മലപ്പുറം: ബലാത്സംഗ കേസിൽ ജയിലിലായ രാഹുൽ മാങ്കൂട്ടത്തിലിനെ എം എൽ എ സ്ഥാനത്തുനിന്ന് അയോഗ്യനാക്കാനുള്ള നീക്കത്തിൽ നിലപാട് വ്യക്തമാക്കാതെ കോൺഗ്രസ്. അയോഗ്യതാ നീക്കം നിയമസഭയിൽ വന്നാൽ അപ്പോൾ പാർട്ടി നിലപാട് വ്യക്തമാക്കാമെന്ന് കെ പി സി സി വർക്കിംഗ് പ്രസിഡന്റ് എ പി അനിൽകുമാർ എം എൽ എ പറഞ്ഞു. സർക്കാർ ഈ വിഷയത്തിൽ നിയമോപദേശം തേടുന്നു എന്നാണ് അറിയുന്നതെന്നും രാജ്യത്ത് എല്ലാവർക്കും ഒരേ നിയമമാണ് ഉള്ളതെന്ന് ഭരണകൂടം ഓർക്കണമെന്നും അദ്ദേഹം കൂട്ടിച്ചേർത്തു. ഭരണപക്ഷ എം എൽ എക്കും പ്രതിപക്ഷ എം എൽ എക്കും നിയമം ഒരുപോലെ ബാധകമാണെന്നും രാഷ്ട്രീയ പകപോക്കലുകൾ അനുവദിക്കില്ലെന്നും അനിൽകുമാർ കൂട്ടിച്ചേർത്തു.
About the Author
