ജനുവരി 26ന് ന്യൂഡൽഹിയിൽ നടക്കുന്ന ഇന്ത്യയുടെ റിപ്പബ്ലിക് ദിനാഘോഷങ്ങളിൽ യൂറോപ്യൻ യൂണിയൻ നേതാക്കൾ മുഖ്യാതിഥികളാകും. പരേഡിൽ യൂറോപ്യൻ യൂണിയനിൽ നിന്നുള്ള ഒരു സംഘം മാർച്ച് പാസ്റ്റിൽ പങ്കെടുക്കാൻ തീരുമാനിച്ചത് ഖലിസ്ഥാൻ സംഘടനകളെയും (Khalistani groups) പാക് ചാര സംഘടനയായ ഐ.എസ്.ഐയെയും പ്രകോപിപ്പിച്ചതായി ഇന്റലിജന്റ്സ് വൃത്തങ്ങൾ അറിയിച്ചു.
മാർച്ച് പാസ്റ്റിന്റെ ഭാഗമായി രണ്ട് ജിപ്സി വാഹനങ്ങളിൽ നാല് യൂറോപ്യൻ യൂണിയൻ പതാക വാഹകർ പങ്കെടുക്കും. യൂറോപ്യൻ യൂണിയൻ നേതാക്കളായ അന്റോണിയോ കോസ്റ്റ, ഉർസുല വോൺ ഡെർ ലെയ്ൻ എന്നിവരാണ് റിപ്പബ്ലിക് ദിന പരേഡിലെ മുഖ്യാതിഥികൾ.
“ഇന്ത്യയുടെ പരമാധികാരത്തിലും ആഗോളതലത്തിലുള്ള മുന്നേറ്റത്തിലുമുള്ള ശക്തമായ വിശ്വാസം കോസ്റ്റയുടെയും ലെയ്ന്റെയും സാന്നിധ്യം സൂചിപ്പിക്കുന്നു. ചില ഖലിസ്ഥാൻ സംഘടനകകൾ തീവ്രവാദ സംഘടനകളുമായി എങ്ങനെ ബന്ധപ്പെട്ടിരിക്കുന്നുവെന്നത് സംബന്ധിച്ച വിശദീകരണം ഇന്ത്യ സന്ദർശിക്കുന്ന യൂറോപ്യൻ യൂണിയൻ നയതന്ത്രജ്ഞർക്ക് ലഭിച്ചു. ഇത് ഒരു പതിവ് പ്രോട്ടോക്കോൾ കൈമാറ്റമല്ല ഈ സമയം നിർണായകമാണ്,” വൃത്തങ്ങൾ പറഞ്ഞു.
About the Author
