ഋഷഭ് ഷെട്ടിയുടെ കാന്താര ചാപ്റ്റർ 1 സിനിമയിലെ ദൈവീക രൂപത്തെ അനുകരിച്ചതിന് ബോളിവുഡ് നടൻ രൺവീർ സിംഗിനെതിരെ (Ranveer Singh) ബംഗളൂരുവിൽ കേസ്. 2025 നവംബർ 28-ന് ഗോവയിൽ നടന്ന അന്താരാഷ്ട്ര ചലച്ചിത്ര മേളയിൽ (ഐഎഫ്എഫ്ഐ) വെച്ചായിരുന്നു വിവാദ സംഭവം ഉണ്ടായത്. ചലച്ചിത്ര മേളയോടനുബന്ധിച്ചു നടന്ന ഒരു പരിപാടിയിൽ പങ്കെടുത്ത രൺവീർ വേദിയിൽ കാന്താരയിലെ ദൈവക്കോലത്തെ മിമിക്രി ചെയ്യുകയായിരുന്നു.
സംഭവം ഇപ്പോഴാണ് നിയമപരിശോധനയ്ക്ക് വിധേയമായത്. കോടതി നിർദ്ദേശപ്രകാരം ബുധനാഴ്ച ബംഗളൂരുവിലെ ഹൈഗ്രൗണ്ട്സ് പോലീസ് സ്റ്റേഷനിലാണ് പരാതി ഫയൽ ചെയ്തിട്ടുള്ളത്. ബംഗളൂരുവിൽ നിന്നുള്ള അഭിഭാഷകൻ പ്രശാന്ത് മേത്തലാണ് പരാതി നൽകിയത്. സംഭവത്തിൽ കഴിഞ്ഞ വർഷം ഡിസംബർ 27-ന് ബംഗളൂരുവിലെ അഡീഷണൽ ജുഡീഷ്യൽ മജിസ്ട്രേറ്റിന് മുമ്പാകെ അഭിഭാഷകൻ ഒരു സ്വകാര്യ പരാതി ഫയൽ ചെയ്തിരുന്നുവെന്ന് കോടതി രേഖകൾ വ്യക്തമാക്കുന്നു. ഇതേത്തുടർന്ന് ജനുവരി 23-ന് ബിഎൻഎസ് 175(3) പ്രകാരം എഫ്ഐആർ രജിസ്റ്റർ ചെയ്യാൻ കോടതി ഹൈഗ്രൗണ്ട്സ് പോലീസിനോട് നിർദ്ദേശിക്കുകയായിരുന്നു.
About the Author
