പാലിയേറ്റീവ് ചർച്ചാ സംഗമം സംഘടിപ്പിച്ചു.

കിപ് വടകര മേഖലാ കമ്മിറ്റിയുടെ ആഭിമുഖ്യത്തിൽ യൂണിറ്റ് തല പാലിയേറ്റീവ് ചർച്ചാ സംഗമത്തിന് തുടക്കമായി. ഇന്ന് മണിയൂർ കാരുണ്യം പാലിയേറ്റീവ് ക്ലിനിക്കിലാണ് മേഖലയിലെ ആദ്യത്തെ പരിപാടി സംഘടിപ്പിച്ചത്. മേഖലാ ചെയർമാൻ ഹേമചന്ദ്രൻ മാസ്റ്റർ, അക്കാഡമിക് കോ ഓർഡിനേറ്റർ അബ്ദുള്ള മാസ്റ്റർ എന്നിവർ ചർച്ചക്ക് നേതൃത്വം നൽകി.മേഖലാ സെക്രട്ടറി റഷീദ് മാസ്റ്റർ സ്വാഗതം പറഞ്ഞു. സുരേഷ്. വി. പി, ഹമീദ് പി. പി, സി. എം വിജയൻമാസ്റ്റർ എന്നിവർ സംസാരിച്ചു. 3 മണിക്ക് ആരംഭിച്ച പരിപാടി 5.30 ന് അവസാനിച്ചു. 26 വളണ്ടിയർമാർ പങ്കെടുത്തു..