പാലക്കാട്: നെന്മാറ പോത്തുണ്ടിയിൽ ഇരട്ടക്കൊലപാതകം നടന്നിട്ട് ഇന്നേക്ക് ഒരു വർഷം. ആദ്യ കേസിൽ ജീവപര്യന്തം തടവ് ശിക്ഷ അനുഭവിക്കുകയാണ് പ്രതി ചെന്താമര. സുധാകരനെയും ലക്ഷ്മിയെയും കൊലപ്പെടുത്തിയ കേസിൻറെ വിചാരണ നടപടികൾ അടുത്തമാസം ആരംഭിക്കും. അച്ഛൻറേയും മുത്തശ്ശിയുടേയും കൊലപാതകത്തിൽ പ്രതിക്ക് നല്ല ശിക്ഷ ലഭിക്കുമെന്നാണ് പ്രതീക്ഷയെന്ന് സുധാകരൻറെ മക്കളായ അതുല്യയും അഖിലയും പറഞ്ഞു. സർക്കാർ പ്രഖ്യാപിച്ച സഹായം ഇതുവരെ ലഭിച്ചില്ലെന്നും വലിയ ബുദ്ധിമുട്ടിലൂടെയാണ് കടന്നുപോകുന്നതെന്നും സുധാകരൻ്റെ മക്കൾ പറഞ്ഞു.
വളരെ ബുദ്ധിമുട്ടിലൂടെയാണ് പോയിക്കൊണ്ടിരിക്കുന്നതെന്ന് സുധാകരൻ്റേയും ലക്ഷ്മിയുടേയും മക്കൾ പറയുന്നു. കുറേ വാഗ്ദാനങ്ങൾ ലഭിച്ചിരുന്നു. ചെന്നിത്തല പണം തന്ന് സഹായിച്ചിരുന്നു. സർക്കാരിൽ നിന്നുള്ള ധനസഹായത്തെ കുറിച്ച് വാർത്തകളിൽ മാത്രമാണ് അറിഞ്ഞത്. ഇതുവരേയും യാതൊരു സഹായവും ലഭിച്ചിട്ടില്ലെന്നും മക്കൾ പറയുന്നു. മക്കൾ രണ്ടുപേരും തന്റെ കൂടെയാണ് താമസമെന്നും പണം നൽകിയില്ലെങ്കിലും കുട്ടികൾക്ക് എന്തെങ്കിലും ഒരു കൈ തൊഴിൽ സഹായമെങ്കിലും ലഭിച്ചാൽ മതിയെന്നും സജിതയുടെ അമ്മയും പ്രതികരിച്ചു.
About the Author
