മുൻ മുഖ്യമന്ത്രി വി എസ് അച്യുതാനന്ദന്റെ പിഎ ആയിരുന്ന എ സുരേഷ് മലമ്പുഴയിൽ യുഡിഎഫ് സ്വതന്ത്ര സ്ഥാനാർത്ഥിയാകും. സുരേഷ് യുഡിഎഫ് ജാഥയിൽ പങ്കെടുക്കും. വിഡി സതീശൻ നയിക്കുന്ന യാത്ര ചൊവ്വാഴ്ച പാലക്കാട് എത്തുമ്പോഴാണ് പങ്കെടുക്കുക. കെപിസിസി നേതാക്കൾ സുരേഷുമായി ചർച്ച നടത്തി.
ഇടത് കോട്ടയായ മലമ്പുഴയിൽ സുരേഷ് സ്ഥാനാർത്ഥിയാകുന്നതോടെ വലിയ നേട്ടമുണ്ടാക്കാനാകുമെന്നാണ് യുഡിഎഫിന്റെ വിലയിരുത്തൽ. ദീർഘകാലം വിഎസിന്റെ പിഎ ആയിരുന്ന സുരേഷ് യു.ഡി.എഫ് സ്ഥാനാടത്ഥിയായി മത്സരിക്കുന്ന കാര്യത്തിൽ തീരുമാനമെടുത്തിട്ടില്ലെന്നായിരുന്നു ആദ്യം പറഞ്ഞത്.
എന്നാൽ ഇപ്പോൾ യു.ഡി.എഫ് സ്ഥാനാർത്ഥിയായി മത്സരിക്കുന്ന കാര്യത്തിൽ സുരേഷ് തന്ന വ്യക്തത വരുത്തിയിരിക്കുകയാണ്. കോൺഗ്രസ് നേതാക്കൾ തന്നെ വന്നു കണ്ടിരുന്നു എന്ന കാര്യം സുരേഷ് മുമ്പ് വെളിപ്പെടുത്തിയിരുന്നു. എന്നാൽ 11 വർഷമായി പാർട്ടി പുറത്താക്കിയിട്ട് 11 വർഷമായെങ്കിലും മറ്റൊരു പാർട്ടിയിൽ ചേരുന്ന കാര്യത്തെക്കുറിച്ച് ചിന്തിച്ചിട്ടില്ലെന്നായിരുന്നു സുരേഷ് അന്ന് പറഞ്ഞത്
About the Author
