കൊല്ലം എംപി പ്രേമചന്ദ്രന് മറുപടിയുമായി ഡിവൈഎഫ്ഐ സംസ്ഥാന ട്രഷറർ എസ്.ആർ അരുൺബാബു. കൊല്ലം എം.പിയുടെ നിലവാരത്തകർച്ചയെ പറ്റി ഒരാഴ്ചയ്ക്കിടെ രണ്ടാം തവണയും എഴുതേണ്ടി വരുന്നു എന്ന് സൂചിപ്പിച്ചുകൊണ്ട് എം.പിക്കെതിരെ ശക്തമായ രാഷ്ട്രീയ വിമർശനമാണ് അദ്ദേഹം നടത്തിയിരിക്കുന്നത്. കേരള രാഷ്ട്രീയത്തിലെ ‘ജോർജ് സാറാണ്’ കൊല്ലം എം.പി എന്ന് വിമർശനം പരിഹസിക്കുന്നു.
വിദ്വേഷ പ്രസംഗങ്ങളൊന്നും പഴയതുപോലെ ഏൽക്കാതെ വന്നതിലുള്ള നിരാശയിൽ, ഒരു ദിവസം ഉറങ്ങി എഴുന്നേറ്റ ശേഷം എം.പി ഇപ്പോൾ DYFI – SFI സഖാക്കളുടെ അടിവസ്ത്രം തിരക്കി നടക്കുകയാണെന്ന് അദ്ദേഹം കുറിക്കുന്നു. സംഘപരിവാരത്തിന് ഇഷ്ടപ്പെടുന്ന ‘ബീഫ് രാഷ്ട്രീയം’ ഒന്ന് മൂപ്പിക്കാൻ നോക്കിയിട്ട് അത് പരാജയപ്പെട്ടതിൻ്റെ നിരാശയിലാണ് സഖാക്കളുടെ നെഞ്ചത്തേക്ക് കയറി നോക്കാൻ പ്രേമചന്ദ്രന് വെളിപാടുണ്ടായതെന്നും വിമർശനത്തിൽ പറയുന്നു.
About the Author
