മേപ്പയിൽ എസ്.ബി. സ്കൂളിൽ ജൂലൈ 21-ന് ചാന്ദ്രദിനാചരണം വിവിധ പരിപാടികളോടെ സംഘടിപ്പിച്ചു. ചടങ്ങ് പ്രമുഖ ഐ.എസ്.ആർ.ഒ. ശാസ്ത്രജ്ഞനായ പി. പ്രദീപ് കുമാർ ഉദ്ഘാടനം ചെയ്തു. ബഹിരാകാശ ഗവേഷണത്തിന്റെ പ്രാധാന്യവും ഇന്ത്യയുടെ ചാന്ദ്ര ദൗത്യങ്ങളുടെ നേട്ടങ്ങളും അദ്ദേഹം വിദ്യാർത്ഥികൾക്ക് പരിചയപ്പെടുത്തി.
പരിപാടിയുടെ ഭാഗമായി ഡോക്യുമെന്ററി പ്രദർശനം, സ്റ്റിൽ മോഡൽ അവതരണം, ക്വിസ് മത്സരം, കൊളാഷ് നിർമ്മാണം എന്നിവ നടന്നു. വിദ്യാർത്ഥികൾ ആവേശപൂർവം പങ്കെടുത്ത മത്സരങ്ങൾ ചന്ദ്രനെയും ബഹിരാകാശ ശാസ്ത്രത്തെയും കുറിച്ചുള്ള അവരുടെ അറിവ് വർധിപ്പിക്കുന്നതിന് സഹായകമായി.
സ്കൂൾ പ്രധാനാധ്യാപകരുടെയും അധ്യാപകരുടെയും നേതൃത്വത്തിൽ നടന്ന പരിപാടി വിദ്യാർത്ഥികളിൽ ശാസ്ത്രാഭിരുചിയും അന്വേഷണത്വരയും വളർത്തുന്നതിന് പ്രചോദനമായി. ചാന്ദ്രദിനാചരണത്തിന്റെ ഭാഗമായി ഒരുക്കിയ വിവിധ പ്രവർത്തനങ്ങൾ പരിപാടിയെ ശ്രദ്ധേയമാക്കി.
About the Author
