ഏകദേശം എട്ട് പതിറ്റാണ്ടായി ഡൽഹിയിലെ സൗത്ത് ബ്ലോക്ക് കേന്ദ്രീകരിച്ച് പ്രവർത്തിച്ചിരുന്ന പ്രധാനമന്ത്രിയുടെ ഓഫീസ് വെള്ളിയാഴ്ച മുതൽ പുതിയ മന്ദിരമായ ‘സേവാ തീർത്ഥി’ലേക്ക് മാറുന്നു. സെൻട്രൽ വിസ്ത പദ്ധതിയുടെ ഭാഗമായാണ് അത്യാധുനിക സൗകര്യങ്ങളോടെ പുതിയ ഓഫീസ് സമുച്ചയം നിർമിച്ചിരിക്കുന്നത്.
ബ്രിട്ടീഷ് കാലഘട്ടത്തിൽ നിർമിക്കപ്പെട്ട സൗത്ത് ബ്ലോക്കിനോട് വിടപറഞ്ഞ് ഇന്ത്യൻ പ്രധാനമന്ത്രിയുടെ ഓഫീസ് പുതിയ അധ്യായത്തിലേക്ക് കടക്കുകയാണ്. വെള്ളിയാഴ്ച ഉച്ചയ്ക്ക് 1:30ഓടെ പ്രധാനമന്ത്രി നരേന്ദ്ര മോദി ‘സേവാ തീർത്ഥ്’ എന്ന് പേരിട്ടിരിക്കുന്ന ഈ മന്ദിര സമുച്ചയം രാജ്യത്തിന് സമർപ്പിക്കും.
എന്താണ് ‘സേവാ തീർത്ഥ്’?
“സേവനത്തിന്റെ പുണ്യസ്ഥലം” എന്നാണ് ഈ പേരിന്റെ അർത്ഥം. കേവലം ഒരു ഓഫീസ് എന്നതിലുപരി ജനസേവനത്തിന് മുൻഗണന നൽകുന്ന ഭരണരീതിയുടെ പ്രതീകമായാണ് ഇതിനെ വിശേഷിപ്പിക്കുന്നത്.
പ്രധാന പ്രത്യേകതകൾ
മൂന്ന് മന്ദിരങ്ങൾ- പ്രധാനമന്ത്രിയുടെ ഓഫീസ് (PMO), ക്യാബിനറ്റ് സെക്രട്ടേറിയറ്റ്, നാഷണൽ സെക്യൂരിറ്റി കൗൺസിൽ സെക്രട്ടേറിയറ്റ് എന്നിവ ഒരേ സമുച്ചയത്തിൽ പ്രവർത്തിക്കും.
About the Author
